පසුගිය කාලයේම වටපිටාවේ සිද්ධ වෙන දිහා බලාන හිටියා.මිනිස්සු එකම දේට විවිධ විදිහට ප්රතිචාර දක්වනවා.එකම ගෙදර වුණත් ප්රතිචාරයන් වල විවිධත්වයක් තියෙනවා.ඒක වැරැදියි හෝ නොවිය යුත්තක් විදිහට නෙවෙයි මේ කියන්නේ. මේ විවිධත්වය නිසාම ජීවිතයට රසයක්ද ගෙනැත් දෙනවා. එකම දේට හැම දෙනාම ප්රියකරන්න පටන් ගත්තොත් ... එකම අදහස හැමෝම දරන්න පටන් ගත්තොත් ... අපි මෙහෙම හිතමු. එකම ගෙදර අය එකම මෝස්තරයක ඇඳුම් ඇඳගෙන පාරට බැස්සොත් ..
මොකක් හරි කොම්පැනියක එහෙමත් නැත්නම් කිසියම් වැඩපලක කට්ටිය ගැහැණු පිරිම භේදයක් නැතුව එකම වර්ණ තියෙන එකම හැඩයේ ඇඳුම් වලින් සැරසිලා පාරට බැස්සොත් ... අපිට මොකක්ද හිතෙන්නේ ? එකම තැනක වැඩ කරන අය වෙන්න ඇති කියලා හිතලා එතැන් එහාට හිතනවා අඩුයි. සියලු දෙනා දෙස සමස්තයක් විදිහට බලන්න තමා අපි පුරුදුවෙලා තියෙන්නේ. වෙන වෙනම අපේ ඇහැ හෝ සිතුවිලි ගමන් කරනවා අඩුයි. නැත්තම් නැත්තටම නැහැ.
විවිධ පැහැයන් විවිධ තුරුලතා , විවිධ පක්ෂීන් මෙයාකාරයෙන් ඇයි ස්වභාව ධර්මයේත් විධත්වයක් පවතින්නේ. එයින් පෙනෙන්නේ විවිධත්වය ස්වාභාව ධර්මයේ විෂය බව නොවෙයිද? පොළෝතලය පිරිමින්ගෙන් විතරක් හෝ ගැහැණුන්ගෙන් විතරක් පිරී පැවතුනොත් . ....අතිශය රසවත් සදාතනික නිර්මාණ බිහිවෙයිද?
ස්වභාව ධර්මයේ විෂය වන්නේ විවිධත්වයයි. එනිසාම ස්වභාව ධර්මය අපට නැවුම් බවක් දායාද කරනවා.ස්වභාව ධර්මය අපට කතා කරනවා. ස්වභාව ධර්මය අපට උගන්වනවා. කුමක්ද උගන්වන්නේ. විවිධත්වය. නැවුම් බව සාරවත් බව. අපි අපේ ජීවිත වලට මේවා එකතු කර ගන්නේ කොහොමද ?විවිධත්වය ,නැවුම් බව , සාරවත් බව එකතු කර ගැනීමට නම් කළ යුත්තේ එකම දෙයයි. ඒ තමා සෑම දිනක්ම අලුත් දිනක් වාගේ අපි අපේ සිතුවිලිත් අලුත් කර ගැනීමෙන්. සිතුවිලි අලුත් කර ගැනීමට නම් අලුත් විදිහට සිතන්න පටන් ගන්න ඕන. ඒ විදිහට හිතුන දෙයක් තමා මේ ඡායාරූපයෙන් කරේ. ජීවිතයට යමක් තුලින් ඒ ගැන මීළඟ අවස්ථාවේ සොයා බලමු.
මේ ටික බලලා ඔබටත් හිතුන යමක් ඇති .ඒ ගැනත් වගේම සටහනක් තියල යන්නත් අමතක කරන්න එපා.
No comments:
Post a Comment