TAB1
TAB2
Tab3
Tab4
Tab5
   Browse Items
Tab 1 Content
Widget by Bloganol  

Sunday, October 30, 2011

අහන් ඉන්න

 
අහන් ඉන්න............අහගෙන ඉන්න........
මගේ හිත මොනවද මුමුණනවා..... //
යාය පුරා නෙක නෙක පාටින්
මුදු මල් පෙති ඇහැරෙනවා
පොද වැස්සක සීතල ඇවිදින්
හිතට එබෙනවා
මුදුකාර මල්‍ රේණු අගින්             සුව බෙදනවා
ඒ සුවින්
මගේ හුස්ම රටා මවනවා
අහන් ඉන්න................
සිළි සිළියේ හමන සුළ
කොුරන්නේ අපටමයි
සතුට මිසක දුක මොකටද
සෙනෙහස මහමෙරයි
අමාවකේ දුක දුරලන දහසක් තරු කැට නුඹටයි
ඒ එළියෙන් දැල්වෙන ලෝකය මගේමයි මටමයි
අහන් ඉන්න......................

xx

Wednesday, October 5, 2011

අපි නුවර



ද දවසේ කිසිවක් ලියන්න හිතාගෙන හිටපු දවසක් නොවේ .එත් නොලියා ඉන්න බැරි හේතුවක් වුණේ දැනට ඕස්ට්‍රෙලියාවේ පදිංචිව සිටින සහෝදරයෙක් facebook  එකට එවල තිබුණු video clip එකක් නිසා. මේක නුවර ගැන විදේශිකයන්ගේ අර්ථකථනය ලෙස හුන්වන්න පුළුවන්.
අද අපේ බොහෝ කලාකරුවන් ජාත්‍යාන්තරයට අපේ සංස්කෘතික දේවල්  ගෙන යන්නට උත්සහ කරන අතරේ විදේශිකයන්  අපේ වටිනාකම් ‍‍, සෞන්දර්යාත්මක දේවල් දෙස බලන ආකාරයෙන් අපට අපේ‍ දේ ගැන යළිත් හිතන්නට අවස්ථාවක් උදා තරල දීලා තියෙනවා.  එය බලද්දි මට හැුනෙත් අප ගැන සියුම් ආඩම්බරයක් . අපට අපේ අ‍යගෙන් අප ගැන ආඩම්බරයක් ඇති‍ වෙලාම නැති තරම් .විශේෂයෙන් ම වර්තමාන තරුණ පරම්පාරාවෙන්.අපට අපේ පැරැණි කලාකරුවන් අපට එවැනි අවස්ථාවන් බොහෝමයක් ලබා දුන්නද වර්තමාන පරම්පරාව පිළිබව සෑහිමකටට පත් වීමට හැකියාවක් නොමැත්තේ කුහක කම නිසා නෙවෙයි.





xxxxxxxxxxxxxxxxxxxxxxxxxxxxxxxxxxxxxxxxx













Monday, October 3, 2011

පරමාදර්ශ අහිමි වීම

සුගිය කාලයේ එකිනෙකට පරස්පර හා ඇතැම් විට එකිනෙකට සම්බන්ධ සිද්ධීන් දාමයක්ම ඇති වුණා. ලියන්න හිතාගෙන හිටපු දේවල් විටින් විට වෙනස් වුණා. එත් අද හිතුවා ජීවිතයට යමක් එකතු කළ යැයි කියා.

සුගිය සතියේ ලංකාවේ සෞන්දර්යවේදීන්ට අත්විඳින්ට සිදුවූයේ ප්‍රධානම යුග පුරුෂයන් තිදෙනෙකුගේ අභාවයන් නිසා  මහත් මානසික පීඩනයකටය.ජෝ අබේවික්‍රම , කේ.ජයතිලක සහ විජේරත්න රණතුංග යන ප්‍රවීන කලාකරුවන්  තිදෙනාගේ අභාවයන් එකම වකාවනුවක සිදූ වීම පිළිබඳව යොමු නොවන්නේ නම්  පුදුමයකි. මේ තිදෙනාම කලාවේම විවිධ අංශයන්ගේ මහ ප්‍රභලයන් තිදෙනෙකි. තවත් මිනිසෙකු‍ගේ හදවතට කතා කළ හැකිනම් ඔහු කලාකරුවෙකි. තවත් මිනිසෙකු සිටින තැනින් ඉහළ යාමට  ඔහුගේ සෞන්දර්ය භාවිතාව හේතු වූවා නම් ඔහු කලකරුවෙකි. මේ සටහන තබන මෙහොතෙත් ජෝ අබේවික්‍රම පරයා සොල්දාදු උන්නැහේ මසිත ‍වෙලා සිටියි. මා සිතන ආකාරයට මාර්ටින් වික්‍රමසිංහයන්ගෙන් පසු විධිමත් ශාස්ත්‍රාලීය අධ්‍යාපනයක් නොලත් ප්‍රාඥයා වන්නේ  කේ ජයතිලකයන්ය. වි‍ජේරත්න රණතුංගයන් සිය අතැඟිලි තබ්ලාව මත රඟ පෑ මනස්කාන්ත පෙළහර සජීවීම යළි දැකිය නොහැකිය.
  යම් අයෙකුට සිය කටයුතු ඉදිරියට දියුණු කර ගෙන යෑමට ප්‍රවීනයන්ගෙන් ලැබෙන සුසමාදර්ශය  අතිශයින්ම වටින්නේය.අද දවසේ අපගේ තරුණ කලාකරුවන් වල්මත් වී සිටින අකාරය දෙස බලන විට දැනෙන්නේ අනුකම්පාවකි.  ඔවුන් බොහෝ විට ජනතාව ඉල්ලා සිටින‍දේ දීමට බැඳි සිටින බව නිරන්තරයෙන්ම ප්‍රකාශ කරනු ඇසී ඇත. ජනතාව ඉල්ලා සිටින දේ දීමට කලාකරුවන් යැයි ප්‍රකාශ කරන කොටසක් සිටිය යුතු නැත. ඒ වෙළෙඳ හඬකි.ප්‍රෙක්‍ෂකයන්ගේ මනෝභාවයන්  දියුණු කල යුත්තේ කලාකරුවන් විසිනි.කලාකරුවන් සාමාන්‍ය මිනිසුන්ට ඉදිරියෙන් ගමන් කළ යුතුය. ජීවිත ගමනින් සමුගන්නා පරමාර්ශ චරිත අහිමි වීමෙන් කියා පාන්නේ වල්මත් වන  ‍ක්‍ෂෙත්‍රයේ කතාවයි.අවසන් විග්‍රහයේදී ප්‍රේක්‍ෂකයන්ද වල් මත් වීමයි.

මා මෙහි එන විට මුළු උයනෙහිම
පාට පාට මල් පිපි තිබිණ
හැම තැනම සුවඳින් පිරී ඇත.
මල් බර වසන්තය
කෙතරම් සුන්දරද ?
දැන් මල් සමය අවසන්ය
මල් තිබු අතු-ඉති වල ‍
ගෙඩි හට ගන්නට දඟලයි.
ඒවා පැසී ඉදුනු විට ඉතා
රසවත් වනු ඇත.
එසේ වුවත් එතෙක් මට
පමා විය නොහැකිය
වහාම මා යා යුතුය.
kandyangate@gmail.com